उबाठा जिल्हा प्रमुख सदाभाई थरवळ यांच्या जन्मदिना निमित्त विभागप्रमुख शाम चौगले यांनी दिला शाळेला इन्व्हर्टर भेट..

सविस्तर वृत्त असे की, डोंबिवली पूर्वेला असलेल्या श्री. विनोद सूर्यराव सर यांच्या श्री समर्थ कृपा स्कूल फॉर स्पेशल नीड चिल्ड्रेन या शाळेत सोमवार ५ ऑगस्ट २०२४ रोजी मैत्री दिन साजरा करण्यात आला. येथील मुलांनी मनगटाला मैत्री बँड बांधून तथा एकमेकांना चॉकलेट वाटून आनंद साजरा केला.

या प्रसंगी प्रमुख पाहुणे म्हणून शब्द खडग मराठी, हिंदी, इंग्रजी डिजिटल वृत्तपत्राचे संपादक प्रा. दिपक जाधव आणि उद्धव बाळासाहेब ठाकरे शिवसेना पक्षाचे डोंबिवली पश्चिम, नेमाडे गल्ली, शाखा क्रमांक ६४ येथील विभाग प्रमुख तथा सामाजिक कार्यकर्ते श्री. शाम चौगले हे उपस्थित होते. श्री. शाम चौगले यांनी उद्धव बाळासाहेब ठाकरे पक्षाचे जिल्हा प्रमुख श्री. सदाभाई थरवळ यांच्या वाढदिवसाचे औचित्य साधून श्री समर्थ कृपा स्कूल फॉर स्पेशल नीड चिल्ड्रेन शाळेला भेट म्हणून इन्व्हर्टर दिला.

या प्रसंगी विलास चव्हाण, रोशन रावते यांच्या बरोबरच शाळेच्या शिक्षिका सुप्रिया देशमुख, स्वाती विचारे, भाग्यश्री जाधव, केअरटेकर सुनीता जयस्वाल ताई आणि इतर मान्यवर उपस्थित होते.

शाळेला आपल्या मदतीची गरज आहे. 

अधिक माहितीसाठी संपर्क. श्री. विनोद सूर्यराव सर. फोन नंबर - 9158346903

- प्रा. दिपक जाधव. संपादक शब्द खड्ग..