रमजान ईद मुस्लिम समाजचा खूप पवित्र सण आहे. या सणाला  ईद - उल -फित्र म्हटले जाते . हा सण मुस्लिम बांधवांना आनंदात  व उत्साहात साजरा करण्यात यावा यासाठी  कसारा पोलिस स्टेशनचे पी.आय. सुरेश गावित यांनी कसारा पोलिस स्टेशन हद्दीतील तथा मुख्य ठिकाणी चोख बंदोबस्त ठेवला होता. कसाऱ्यातील बस स्टँड, डॉ. बाबासाहेब आंबेडकर चौक येथे नेहमीच गर्दी असते. गर्दीचा फायदा घेऊन समाजकंटक काही विपरीत कृत्य करू नयेत म्हणून पी.एस.आय -  सुनिल शिंदे , देवकाते , राजेंद्र उघाडे , विजय लोहार , बिन्नर मॅडम , कुदळ मॅडम यांच्या सह मोठ्या प्रमाणात  पोलिस बंदोबस्त ठेवण्यात आला होता . याप्रसंगी होमगार्ड - ज्ञानेश्वर जाधव हे सुद्धा पोलिसांना मदत करण्यासाठी उपस्थित होते. कसारा पोलिस आणि कसाऱ्यातील सुजाण नागरिकांच्या सहकार्याने ईद उत्साहात पार पडल्याची भावना मुस्लिम बांधवांनी शब्द खड्ग वृत्तपत्राशी बोलतांना व्यक्त केली..

- श्री. रमाकांत पालवे. ठाणे जिल्हा विशेष प्रतिनिधी शब्द खड्ग डिजिटल वृत्तपत्र..